ବାରମାସୀ ଗୀତ | Baramashi Gita | bhakti Mandir By Dillip Kumar Sahoo

1.      ମାର୍ଗଶୀର 

   ଆଦ୍ୟ ମାର୍ଗଶୀର ମାସର ଶୀତ ,

  ଶ୍ରୀକୃଷ୍ଣ ଜାଣନ୍ତି ରାଧିକା ଚିତ୍ତ........  |

   ମୁଁ ଦୁଃଖୀର ଜୀବନ ଦୁଃଖୀ ସଙ୍ଗାତ 

   କାହୁଁ ଅଣିଦେବି କମଳା କାନ୍ତ ମୋ କାହ୍ନୁ ରେ  || 

2.        ପୌଷ  

    ପୌଷେ ଚନ୍ଦ୍ରା ବଳୀ ଚପୋଳି ବସି ,

    ହସ୍ତେ ବନମାଳ କଣ୍ଠେ ତୁଳସୀ  |

    ସେ ଦିନ ଜାଣିଲି ଏ ଗୋବିନ୍ଦ ବର ,

    କୃଷ୍ଣ କଥା ଯାକ ପଦେ ମନୋରମ କାହ୍ନୁ ରେ  ||

3.          ମାଘ 

    ମାଘରେ ମଘୋଇ ଆସିବେ ବୋଲି ,

    ସେ ଯଶ ଜାଣିଲି ପାଖୁଡ଼ା ମେଲି  |

    ଉଜାଗି ବସିଲି ମାଣିକ ବତୀ ,

     ନୀତି ଉଜାଗରେ ପହିଲା ରାତି ମୋ କାହ୍ନୁ ରେ  ||

4.        ଫାଲଗୁନ

    ଫାଲଗୁନ ମାସରେ ଦୋଳ ଗୋବିନ୍ଦ , 

    ଫଗୁ ଖେଳୁଛନ୍ତି ପରମାନନ୍ଦ |

    ଅଭିର ସାଙ୍ଗ ଝାଲେରୀ ମିଶାଇ ,

    ଫଗୁ ଖେଳୁଛନ୍ତି ଯାଦୁ ଗୋସାଇଁ ମୋ କାହ୍ନୁ ରେ  ||

5.         ଚୈତ୍ର 

     ଚଇତ୍ର ମାସରେ ଫୁଟଇ ମଲ୍ଲୀ ,

    ଚୁଆ ଚନ୍ଦନକୁ ମୁଁ ତେଜ କଲ୍ଲୀ  |

    ମଲ୍ଲୀ ପୁଷ୍ପରେ ମୁଁ ଗଲି ବିଧୁଳି ,

    ଯୋଗେ ଭେଟ ହେଲେ ଶାରଙ୍ଗ ପାଣି ମୋ କାହ୍ନୁ ରେ  ||

6.       ବୈଶାଖ 

   ବୈଶାଖ ମାସରେ ଖରା କିସମ ,

    ଚନ୍ଦନ କର୍ପୂର ଅଙ୍ଗ ଲେପନ  |

    ଆଲଟ ଚାମର ଢାଳନ୍ତି ବସି ,

     ମୋ ପୁରେ ବିଜୟ ଶ୍ରୀ ବନମାଳୀ ମୋ କାହ୍ନୁ ରେ  ||

7.          ଜ୍ୟେଷ୍ଠ 

     ଜ୍ୟେଷ୍ଠ ମାସରେ ସେ ଗୁଳୁଗୁଳି ,

    ସ୍ନାହାନ କୁ ବିଜେ ଶ୍ରୀ ବନମାଳୀ  |

     ସ୍ନାହାନ ସାରିଣ ଅଣଷଣେ ଗଲେ ,

    ଗୋପ ଯୁବତୀଙ୍କୁ ଅନାଥ କଲେ ମୋ କାହ୍ନୁ ରେ  ||

8.        ଆଷାଢ଼

     ଆଷାଢ଼ ମାସରେ ଗୁଣ୍ଡିଚାଯାତ ,

    ରଥରେ ବିଜୟ ଶ୍ରୀ ଜଗନ୍ନାଥ  |

    ଆଗେ ବଳଭଦ୍ର ବସିଲେ ଯାଇ ,

    ମଝିରେ ସୁଭଦ୍ରା ପଛେ କହ୍ନାଇ ମୋ କାହ୍ନୁ ରେ  ||

9.            ଶ୍ରାବଣ

      ଶ୍ରାବଣ ମାସରେ ଘୋର ବରଷା ,

    ସକଳ ଛାଡ଼ିଣ କୃଷ୍ଣରେ ଆଶା |

    ନ ରୁଚଇ ମୋତେ ସୁବାସ ବାସ ,

   ଅନ୍ନ ପାରିଜାତ ଲାଗଇ ବିଷ ମୋ କାହ୍ନୁ ରେ  ||

10 .         ଭାଦ୍ରବ

       ଭାଦ୍ରବ ମାସରେ ହରି ଜନମ  , 

      ଘରେ ଘରେ ପ୍ରଭୁ ହେଲେ ଜନମ  |

      ଜନମ ହୋଇ ଗୋପ ରେ ବଢ଼ିଲେ ,

      ଶେଷରେ କଂସା ସୁରଙ୍କୁ ନାଶିଲେ ମୋ କାହ୍ନୁ ରେ  ||

11.           ଆଶ୍ୱିନ

      ଆଶ୍ୱିନ ମାସରେ କୁଆଁରୀ ଜହ୍ନ ,

     ପଶା ଖେଳିବାରେ ବଳିଛି ମନ  |

      ଚନ୍ଦ୍ର କିରଣ ରେ ଖେଳନ୍ତି ପଶା ,

      କୃଷ୍ଣ କଲେ ମୋତେ ଭଗାରି ହଁସା ମୋ କାହ୍ନୁ ରେ  ||

12.             କାର୍ତ୍ତିକ

        କାର୍ତ୍ତିକେ ସମୂର୍ଣ୍ଣ ଏ ବାରମାସ ,

      ବାଲୁକା ପୂଜିବା ହୋଇ ହରଷ  |

       ଦାମୋଦର ପୂଜା କରେ ମୁଁ ବସି  ,

      ଭାବରେ ପଡ଼ିଲେ ଅଚ୍ୟୁତ ଦାସ ମୋ କାହ୍ନୁ ରେ  ||

     

    ( ସମାପ୍ତ )