କରୁଣା ସାଗର ପ୍ରଭୂ ହେ ଜଗତର ଠାକୁର ,
ଘେନ ଆମ ଶିଶୁ ବିନତୀ ସର୍ବେ ଯୋଡୁଛି କର |
୨.
ଦେଇଛ ଜନମ ଜଗତ ସେବା କରିବ ପାଇଁ ,
ଅବାଟରେ ଗଳେ ଆମକୁ ବାଟ ଦିଅ ବତାଇ |
୩.
ତୁମରି ଦାନ ଏ ଜୀବନ ଲାଗୁ ବିଶ୍ଵ କଲ୍ୟାଣେ ,
ରହିଥାଉ ଆମ ଭକତି ଗୁରୁଜନ ଚରଣେ ।
୪ .
ଦୁଃଖୀ ରଙ୍କି ରୋଗୀ ସେବାରେ ଲାଗୁ ମନ ଆମ୍ଭର ,
ଝଡ଼ ଝଞ୍ଜା ଡେଇଁ ଯିବାକୁ ଦିଅ ମନ ରେ ବଳ |
୫.
କ୍ରୋଧ ହିଂସା ଠାରୁ ଦୂରେଇ ଆମେ ରହିବା ପାଇଁ ,
ଦିଅ ଭରି ତବ ଶକତି ସବୁ ଯିବୁ ଏଡାଇ ।
୬
ମନ୍ଦ ଚିନ୍ତା ମନ୍ଦ କରମ୍ ଯାଉ ଆମକୁ ଛାଡ଼ି ,
ଦିଅ ସଦ୍ ଜ୍ଞାନ ସୁବୁଦ୍ଧି ହାତ ଯୋଡ଼ି |
(ସମାପ୍ତ)